မြန်မာနိုင်ငံမြေယာစံနစ်သည် "ရေမြေကို ပိုင်စိုးသည်"
ဆိုသူ ဧကရာဇ်များ၏ လက်ဝယ်၌သာ ရှိခဲ့ပေသည်။ သို့သော် ကျယ်ပြန့်သော မြေယာအားလုံးကို
ဧကရာဇ်များသည် တစ်ဦးတည်း မကွပ်ကဲနိုင်ခဲ့ချေ။ သို့ဖြစ်ရာ ပြည်သူများ၊ မင်းမှုထမ်းများနှင့်
သာသနာတော်အတွက် ခွဲခြမ်းစိတ်ဖြာ၍ ပိုင်ဆိုင်ခွင့်၊ လုပ်စားခွင့် ပြုထားခဲ့ရပေသည်။ ယင်း
မြေယာများ အပေါ်မှ အခွန်တော်များ ကောက်ယူခဲ့ကြပေသည်။ မြန်မာနိုင်ငံ၏ မြေယာစနစ်သည် ဧကရာဇ်များ
လွှမ်းမိုးချုပ်ကိုင်ခဲ့သည့် "ဧကရာဇ်မြေရှင်စံနစ်"သည် သမိုင်းစဉ်တစ်လျှောက်လုံး
ဖြစ်ပေါ်လာခဲ့ပေသည်။ သို့သော်လည်း ၁၈၂၄ - ခုနှစ်မှ စ၍ ဗြိတိသျှတို့ မြန်မာနိုင်ငံအား
သိမ်းပိုက်လာခဲ့ချိန်တွင် ဧကရာဇ်မြေရှင်စံနစ်သည် ယို့ယွင်းလာခဲ့ပြီး '"ဓနရှင်
မြေယာစံနစ်' က တဖြည်းဖြည်း တစတစ နေရာဝင်ယူလာခဲ့ပေသည်။
ဧကရာဇ် မြေရှင်စံနစ်
မြန်မာ့လယ်ယာမြေစံနစ်တွင် စိုက်ပျိုးမြေများအား လေးမျိုးလေးစား
ခွဲခြား သတ်မှတ်ထားပေသည်။(က) ဘုရင်များပိုင်သော အရာတော်မြေ၊ (ခ) ကိုယ်တိုင် လုပ်ကိုင်
စားသောက်သော ပြည်သူများပိုင်သည့် ဘိုးဘပိုင်မြေ၊ (ဂ) မင်းမှုထမ်းများအား အစားပေးသည့်မြေ၊
(ဃ) သာသနာမြေများ ဟူ၍ ဖြစ်ပေသည်။
ဘုရင်များနှင့် ပိုင်ဆိုင်သောမြေများမှာ (၁) နန်းစဉ်အရာတော်မြေ၊
(၂) စုံသေ အမွေပြတ် အရာတော်မြေ၊ (၃) ပုန်ကန်မှုများမှ သိမ်းပိုက်ထားသော သိမ်းစုအရာတော်မြေ၊
(၄) ယွန်းပေါင် ပုရပိုက်တွင် ရေးမှတ်ထားသော နန်းမတော် မိဖုရားခေါင်ကြီးသို့ ပေးဖွဲ့ရာပါသည့်
ယွန်းပေါင်ပါ အရာတော်မြေများ ဖြစ်ပေသည်။ အရာတော်မြေနှင့်ဆိုင်သော အမှုထမ်းများမှာ ရွှေနန်းရိုးလမိုင်းဝန်၊
လမိုင်းဝန်၊ အောင်ပင်လယ် လမိုင်းဝန်၊ ဝတ်မြေဝန်၊ နိုင်ငံတော်ဆိုင်ရာလယ်ဝန်၊ အဝေးလယ်ဝန်၊
မြေစွန်းဝန်၊ ဒီပဗိုလ်၊ အရာတော်အုပ်၊ ဥယျာဉ်တော်အုပ်၊ ဥယျာဉ်တော်မှူး စသူတို့ ဖြစ်သည်။
ဘိုးဘပိုင် မြေမျိုးများတွင် (၁) ဓားမဦးချမြေ၊ (၂) မင်းပေးမြေ၊
(၃) ငွေဝယ်ငွေပေါင်မြေ၊ (၄) အသည်မြေ တို့ ဖြစ်သည်။
မင်းမှုထမ်းများအား အစားပေးသည့်မြေတွင် (၁) လခရိက္ခာအစားချသော
အစားပေးမြေ၊ (၂) မြို့ရွာအကိုင် ပြုလုပ်နေသမျှ ချထားသောအစားမြေ၊ (၃) သူကြီးစားမြေ၊
(၄) သုံ့ပန်းများအား ချထားသော နေမြေ စားမြေ၊ (၅) မြို့စောင့်တပ်သားများ တာဝန်ထမ်းဆောင်ရာဒေသနယ်မြေတွင်
လုပ်ကိုင်စားသောက်သော သူရဲသူခိုးမြေတို့ ဖြစ်ပေသည်။
သာသနာ့မြေမျိုးများမှာ (၁) ဘုရားမြေ၊ (၂) ကျောင်းမြေ၊ (၃) ပိဋကတ်မြေတို့
ဖြစ်၏။
ဘိုးဘပိုင်မြေများနှင့် မင်းမှုထမ်းမြေများကို ခရိုင်ဝန်၊ အဝေးမြို့ဝန်၊
စစ်ကဲ၊ နာခံ၊ မြို့စာရေး၊ မြို့သူကြီး၊ ရွာသူကြီး၊ ရွှေမှူး၊ သံမှူး၊ ငွေခွန်မှူး၊ မြေတိုက်တောကဲ၊
ရွာခေါင်း၊ ဆယ်အိမ်ခေါင်းတို့က အုပ်ချုပ်စီမံရသည်။ သာသနာ့မြေများကို သာသနာတော်ကသာ စီမံအုပ်ချုပ်ရသည်။
မြန်မာ့မြေယာစံနစ်တွင် မြေယာကို ပိုင်သောအတန်းအစား လေးမျိုးရှိကြောင်း
တွေ့ရသည်။ သို့သော် ဧကရာဇ်များက ရေမြေကို အစိုးရသောသူအဖြစ် ခံယူထားကြပေသည်။
ဗြိတိသျှ၊ မြန်မာနိုင်ငံမြေယာစံနစ်
မြန်မာ့လယ်ယာမြေစံနစ်တွင် ဧကရာဇ်များခေတ်တစ်လျှောက်လုံး ဤပုံစံအတိုင်း
မြေယာအနေအထား တည်ရှိနေခဲ့သော်လည်း ဗြိတိသျှတို့ မြန်မာနိုင်ငံအား ဆစ်ပိုင်း၍ သိမ်းပိုက်လာသောအခါ
အထက်မြန်မာနိုင်ငံ၏ မြေယာ တည်ရှိမှုသည်လည်း ပြောင်းလဲလာခဲ့ရပေသည်။ မြန်မာနိုင်ငံအား
ဗြိတိသျှတို့ သိမ်းပိုက်ပြီးသောအခါ အထက်မြန်မာနိုင်ငံ အရာတော်နှင့် ဘိုးဘပိုင်မြေများကို
ဆက်လက်တည်ရှိခွင့် ပြုခဲ့ပေသည်။ အောက်မြန်မာနိုင်ငံရှိ မြေများကို အစိုးရပိုင်အဖြစ်
သတ်မှတ်ပြီး (၁၂) နှစ်တိုင် အဆက်မပြတ်လုပ်ကိုင်၍ မြေခွန်တော်ပေးဆောင်သူများအား မြေကို
လက်ကိုင်ထားနိုင်ခြင်း၊ လုပ်ကိုင်နိုင်ခြင်း၊ ပေါင်နှံနိုင်ခြင်း၊ ရောင်းချနိုင်ခြင်း၊
အမွေပေးနိုင်ခြင်း စသည့်အခွင့်များကို ပိုင်သည့် 'မြေကို လက်ကိုင်ထားသည့် ပုဂ္ဂိုလ်၏အခွင့်အရေးများ'(Land
Holders Right) ကို ပေးခဲ့လေသည်။ ဤကဲ့သို့ ပေးခဲ့ခြင်းမှာ ၁၈၆၉- ခုနှစ်တွင် စုးအက်တူးမြောင်း
ဖွင့်လိုက်သောအခါ မြန်မာနိုင်ငံနိုင်ငံမှ ဆန်စပါးကို ဝမ်းစာစိုက်ပျိုးမှုလုပ်ငန်းအဖြစ်မှ
တိုးချဲ့လုပ်ကိုင်သူများ ပေါများလာအောင် ရည်ရွယ်၍ပေးခြင်းပင် ဖြစ်ပေသည်။
မြေရှင်များ နေရာယူလာခြင်း
ထိုအခါ မြေယာပေါ်တွင် ငွေပင်ငွေရင်း မြုပ်နှံလိုကြသော ဓနရှင်ကြီးများက
အခွင့်ကောင်းယူကာ တောင်သူလယ်သမားတို့အား မျိုးစရိတ်၊ စိုက်စရိတ်၊ ဝမ်းစာစရိတ်တို့ ရရှိကြရန်အတွက်
ယင်းတို့၏မြေယာကို အပေါင်ခံထားပြီး အတိုးနှုန်းကြီးစွာဖြင့် ရက်ရောစွာချေးငှားကြလေတော့သည်။
၁၈၆၉ - မှ ၁၉၂၉ - ၃၀ ခုနှစ်များ အတောအတွင်း တောင်သူလယ်သမားများအပေါ်တွင် ရှိနေသည့် ကြွေးမြီများမှာ
ကုဋေ ၅၀- မှ ၆၀ - အထိ ဖြစ်သည်ကို တွေ့ရှိရပေသည်။ ၁၉၃၀- ခုနှစ်အတွင်း ကမ္ဘာ့စီးပွားရေးကပ်
ကြုံလာခဲ့ရသဖြင့် ဓနရှင်ကြီးများက တောင်သူလယ်သမား များအပေါ် တင်ရှိနေသည့်ကြွေးမြီများကို
အတင်းအကြပ် ပြန်လည်တောင်းခံသဖြင့် တောင်သူလယ်သမားများက ငွေအစား မြေများကို ပေးအပ်ကြရတော့သည်။
ဓနရှင်များ၏ငွေကြေးသည် မြေယာအဖြစ်မှ ပြောင်းလဲလာခဲ့ရပြီး မြေရှင်ကြီးများ ပေါ်ပေါက်လာခဲ့ရသည်။
နိုင်ငံခြားသားမြေရှင်နှင့် နို့သက်ခံ တိုင်းရင်းသားမြေရှင်များသည် ဧကရာဇ်မြေရှင်စံနစ်ကို
အစားထိုးနေရာယူလာခဲ့ကြတော့သည်။
အညာဒေသ မြေယာဖြစ်စဉ်
မြန်မာနိုင်ငံအောက်ပိုင်းတွင် ဗြိတိသျှတို့ရောင်းချရန် ထုတ်လုပ်သောစိုက်ပျိုးရေးလုပ်ငန်း
တိုးချဲ့မှုကို မြန်မာနိုင်ငံ အထက်ပိုင်းရှိ အိမ်တွင်းစားသုံးရန်နှင့် ပစ္စည်းချင်းဖလှယ်ရန်
စိုက်ပျိုးထုတ်လုပ်သော စံနစ်ဟောင်းမြေယာလုပ်ငန်းသည် မယှဉ်ပြိုင်နိုင်ခဲ့ချေ။ အညာဒေသ
တောင်သူများသည် မြေရှင် ကြေးရှင် ဓနရှင်များထံ မိမိလုပ်ကိုင်နေသော မြေယာများကို ရောင်းပေါင်လုပ်၍
မြေယာကုန်ထုတ်လုပ်ငန်းကို လုပ်ကိုင်ခဲ့ကြရလေသည်။ ဗြိတိသျှတို့ မြန်မာနိုင်ငံတစ်ခုလုံးကို
သိမ်းပိုက်သောအခါ အညာဒေသတွင် တိုင်းရင်းသားမြေရှင်စံနစ်ကို ကြီးထွားစေကာ အကြေဒေသတွင်
နိုင်ငံခြားသား မြေရှင်စံနစ်ကို ကြီးထွားစေခဲ့လေသည်။
မြေယာစာချုပ်များ
အညာဒေသတွင် တိုင်းရင်းသားဓနရှင်များနှင့် တောင်သူလယ်သမားများ၏ဆက်ဆံရေးသည်
အညာဒေသ တိုင်းရင်းသားမြေရှင်ဖြစ်ပေါ်မှုသမိုင်း၏ အခြေခံအခြေအနေများကို တွေ့ရှိရပေမည်။
အညာဒေသတွင် ''လယ်ကဆုန်၊ ယာနယုန်'' ဟူ၍ ပြောရိုးဆိုစဉ်ရှိခဲ့ပေသည်။ လယ်မြေပေါင်ခြင်း၊
ရွေးနုတ်ခြင်းကို ကဆုန်လတွင် ပြုလုပ်လေ့ရှိပေသည်။ ယာမြေပေါင်ခြင်း ရွေးနုတ်ခြင်းကို
နယုန်လတွင် ပြုလုပ်လေ့ရှိပေသည်။
ငွေရှင်ကြေးရှင် ဓနရှင်များသည် မိမိတို့ငွေကြေးကို တောင်သူလယ်သမားများအား
အလဟဿ ကူညီထောက်ပံ့မှု မပြုကြချေ။ အတိုးစားနားယူ၍သာ ချေးငှားကြသည်။ ချေးငှားမှု အပေါင်ခံမှုကို
ကတိကဝတ် စာချုပ်စာတမ်းများ ချုပ်ဆိုပြီးမှသာ ချေးငှားကြသည်။ သို့မှသာ ကြွေးတောင်းရန်၊
မြေသိမ်းရန်အတွက် စာချုပ်စာတမ်းကို သက်သေပြု၍ တရားစွဲဆိုကာ မြေသိမ်း၊ ပစ္စည်းသိမ်း၊
လူဖမ်းခြင်းများ ပြုလုပ်နိုင်ပေမည်။ တောင်သူလယ်သမားများသည် ဤဒုက္ခ အန္တရာယ်များကို မသိ၍မဟုတ်၊
သိပါလျက်နှင့် လက်ခံနေခဲ့ကြရသည်။
မြေယာစာချုပ်စာတမ်းများကို သက္ကရာဇ်ခွေများ၊ ပုရပိုက်များ၊ အခွန်တော်စာချုပ်ခေါင်းများပေါ်တွင်
ချုပ်ဆိုခဲ့ကြရသည်။ မြေယာပေါင်နှံမှုကို ယေဘုယျအားဖြင့် လေးမျိုးလေးစား ခွဲခြားသတ်မှတ်နိုင်ပေသည်။
မြေမှန်းငွေတိုး ပေါင်နှံခြင်း
မြေယာကို ပေါင်နှံသူကသာ ဆက်လက်လုပ်ကိုင်သည်။ ငွေချေးယူပြီး အတိုးကို
ပေးရခြင်း ဖြစ်ပေသည်။ မြေမှန်း ငွေတိုး ချေးသည် ဆိုရာတွင် မြေယာကို ကတိကဝတ်ပြု၍သော်လည်းကောင်း၊
မြေယာကို အမြင်ပြု၍သော်လည်းကောင်း ငွေကိုဖြစ်စေ၊ သီးနှံကို ဖြစ်စေ ချေးငှားခြင်း ဖြစ်သည်။
အတိုးကိုလည်း ရာသီထပ်တိုးဖြင့် ယူခဲ့သဖြင့် တောင်သူများမှာ 'ပြောင်းတတင်းနှင့် မြေအပ်လိုက်ရသည်'ဟူ၍ပင်
ဆိုစမှတ် ပြုခဲ့ကြရပေသည်။
ငွေပေး မြေရ ပေါင်နှံခြင်း
မြေရှိသူက ငွေရှိသူထံသို့ မိမိလုပ်ကိုင်စားသောက်သည့်မြေကို ပေါင်နှံသည့်အခါ
ငွေရှင်က အပေါင်ခံမြေကို တနှစ်လုပ်စားရသည်။ အင်္ကြန်မတိုင်မီ ပေါင်နှံလေ့ရှိကြသည်။ တနှစ်
တသီး ပေါင်နှံကြခြင်းဖြစ်သည်။ တနှစ်တသီးဆိုသော စကားရပ်ကို ငွေရှင်များက သီးထွက်ကောင်းသောနှစ်မှ
ထွက်ရှိမည့် သီးနှံဟု အဓိပ္ပါယ်ပြန်ဆို၍ သီးနှံအထွက် မကောင်းသေးလျှင် ရွေးနုတ်ခြင်းကို
ငြင်းပယ်လေ့ရှိကြသည်။ တောင်သူလယ်သမားများကလည်း သဘောထားကြီးစွာဖြင့် ဆိတ်ဆိတ်ပင် နေခဲ့ကြရသည်။
တောင်သူက ရွေးနုတ်ရန် အချိန်တန်ပါလျက်နှင့် မရွေးနုတ်နိုင်လျှင် ငွေအထပ်ထပ် တောင်းယူနိုင်ပေသည်။
၁၈၂၈-ခုနှစ်က ယင်းမာပင်မြို့နယ် ပြောင်းပြာမြို့အုပ်၏ ငွေပေးမြေရစာချုပ်ကို
တွေ့ရှိရပေသည်။ မြေကို ငွေရှင်လက်သို့အပ်၍ လုပ်စားစေခွင့်ပြုရသည်။ ဤစာချုပ်ကို ပေရွက်ပေါ်တွင်
၆-ကြောင်းရေးပေအဖြစ် ရေးသားချုပ်ဆို ထားပေသည်။ ထိုကာလက ငွေကို အတုံးလိုက်အခဲလိုက် အသုံးပြုနေသေးကြောင်းကိုပါ
တွေ့ရှိရပေသည်။ မြန်မာ့ငွေကြေးသုံးစွဲမှု၊ အချိန်အတွယ်၊ တန်ဖိုးသတ်မှတ်ပုံတို့ကိုပါ
တွေ့ရမည် ဖြစ်ပေသည်။ မြန်မာနိုင်ငံကမ်းရိုးတန်းကို ဗြိတိသျှသိမ်းချိန်က အညာဒေသ၏မြေယာစံနစ်
အခြေအနေကို ဖော်ပြနေခြင်းပင် ဖြစ်သည်။
စာချုပ်မှာ -
*သက္ကရာဇ်
၁၁၉၀- ပြည့်နှစ် တပေါင်းလပြည့်ကျော် ၁၂- ရက်နေ့တွင် ပြောင်းပြာမြို့အုပ် မောင်ပုလဲက
ငွေသုံးရန် လိုပါသည်။ ချေးလည်နှင့်ပါ။ နှုံးမြေတိုင် မောင်ရွှေကိုဆိုလျှင်၎င်း၊ မောင်ပုလဲဆိုချက်အတွင်း
မောင်ရွှေသမီးခင်ပွန်းက ငွေမွှေးရွံနိမှံပေါ် ၂၂၀ိ ငွေကို ချေးလည်သည်။ ၄င်းငွေကို မပေးမီအကြား
မောင်ပုလဲ ပိုင်သည့် စိတ်လည်မြေကို လုပ်စားနှင့်ပါတော့ဆို၍ ချေးပေးသည်ကာလ သိရှိသူ မောင်ရွှေ၊
ငွေချိန် ငွေခေတ် ဦးညို၊ စာရေး မောင်ဖြူလွင်၊ ၄င်းနောက် မောင်ပုလဲသို့ ထပ်ရသည့် ငွေ
၁၁၈ိ၊ စာရေး ငပြောင်။*
သုံးနှစ်သုံးသီး ပေါင်နှံခြင်း
မြေပေါင်သူက အတိုး မပေးရချေ။ အပေါင်ခံသူက သုံးနှစ်သုံးသီး လုပ်စားခွင့်
ရှိ၏။ လက်ရောက်ပေါင်နှံခြင်း ဟုလည်း ခေါ်ပေသည်။ ပေါင်နှံသူအား မြေရှင်က ပြန်၍ချထားခဲ့လျှင်
ယာမြေဖြစ်က သီစားခ သုံးစုတစု ပေးရသည်။ လယ်မြေဖြစ်လျှင် ထက်ဝက်ပေးရသည်။ ငွေရှင်က အပေါင်ခံထားသောမြေကို
ပြောင်းရွှေ့ချထားနိုင်သည်။ မြေပေါင်သူကလည်း မြေရှင်ထံ ထပ်ငွေတောင်းနိုင်သည်။
*သက္ကရာဇ်
၁၂၅၂-ခု နယုန်လဆန်း ၁၀-ရက်နေ့တွင် လယ်ဇင်ရွာနေ ကျောင်းတကာဦးဖိုးဝန်သမီးခင်ပွန်းတို့က
၁၂၅၁-ခုနှစ် ကြေးရင်း ၂၅၀ ကျေးဇတွက် အညွန့်ငွေ ၆၀ိ၊ ငွေများကို ပေးမဆပ်နိုင်ပါ။အထက်ကတိချုပ်
ရှိသည့်အတိုင်း ကျောက်ကာနယ်တွင်ရှိ လယ်ယာမြေ ၂-ရပ်ကို ပေါင်ရူပါ၊ ဦးဖိုးဝန်သမီးခင်ပွန်းတို့ကဆိုလျှင်၎င်း၊
ဦကလုံ ဦးစံပွားတို့က ဦးစံပွား ၁၅၇ိ၊ ၄င်းနောက် နယုန်လဆန်း ၁၀-ရက်နေ့တွင် ဦးကလုံက
ကျောင်မယာ ဦးဖိုးဝန်သို့၎င်း လယ်ယာမြေပေါ်သို့ ထပ်ဖြေ့ပေးလိုက်ရသည်။ ၈၄ိ- စုစုပေါင်း
၃၉၉ိ ပေး၍ ပေါင်ယူလိုက်သည်။ ယာမှာ ရွေးပေးလိုလျှင် သုံးနှစ်သုံးသီးလုပ်စားပြီးမှ စာချုပ်ထားကြသည်
ကာလ စာစီစာရေး- ကိုချီ။ *
ဤသို့
မြေပေါင်စာချုပ်များကို သက္ကရာဇ်စာဖြင့် ချုပ်ဆိုထားကြသည်ကို အထက်မြန်မာနိုင်ငံအား ဗြိတိသျှတို့
သိမ်းပိုက်ပြီးချိန်တွင် အခွန်တော် တံဆိပ်ခေါင်းကို သုံးစွဲချုပ်ဆိုခဲ့ကြပြန်သည်။ ၁၈၉၆
- ခုနှစ်က ချောင်းဦးမြို့ အရှေ့မအုပ်ရပ်တွင် သုံးနှစ်သုံးသီး ချုပ်ဆိုထားသော အပေါင်စာချုပ်တစ်ခုမှာ
. . .
*သက္ကရာဇ်
၁၂၅၈ - ခု၊ တပေါင်းလပြည့်ကျော် ၉- ရက်နေ့တွင် ချောင်းဦးမြို့ စီရင်စု အရှေ့မအုပ်ရပ်နေ
ဦးစံရှိန်က ငွေအသုံးလို၍ ကျွန်ုပ်ပိုင်ဆင်ခေါင်းကွင်းရှိ ဇီးပင်ခေါ် လယ်ကွက်ရေ ၄ -
ကန်ပျိုး ၃၀၀- ဝင် လယ်မြေသည် အရှေ့အလာ ဦးအံ့မြေနှင့် အစပ်၊ မြောက်အလာ ကိုမြအေးမြေအစပ်၊
တောင်အလာ ဆင်ခေါင်းရိုးအစပ်ထိ၊ နယ်လေးရပ် သတ်မှတ်သောလယ်မြေကို ငွေ ၁ိ- သုမ်း ဒင်္ဂါးပြားရေ
၁၄၀ - နှင့် ပေါင်လိုပါသည်၊ ပေါင်ခံပါ၊ လက်တော်ရာရွာနေ ကိုဆိုင်သမီး ခင်ပွန်းကို ဆိုလျှင်၎င်း
ဦးစံရှိန်အဆိုအတိုင်း အထက်ပုမ်စံပါနယ်လေးရပ်သတ်မှတ်ထားသော လယ်မြေ ၃၀၀ - ဝင်ကို ငွေ
၁ိ-သုမ်း ဒင်္ဂါးပြားရေ(၁၄၀) တရာ့လေးဆယ်ငွေကို မောင်ဆိုင်သမီးခင်ပွန်းတို့က မြေရှင်ဦးစံရှိန်လက်သို့
ရေပေး၍ပေါင်ယူသည့်ခါ မြေမှာ သုံးနှစ်သုံးသီး လုပ်စားပြီးမှ ရွေးနှုတ်ကျရမည်ဆို၍ နှစ်ဦးသဘောတူ
လက်မှတ်ရေးထိုး၍ အသိသက်သေတို့ရှေ့ ပေါင်နှံစာချုပ်ထားကြသည်။
အသိသက်သေ မြေရှင် ဦးစံရှိန်
ဦးကြီးတင် ငွေရှင် မောင်ဆိုင်
ဦးထွန်းလှ
မောင်ဘိုးဆင်
ဤသို့ဖြင့်
ဗြိတိသျှအခွန်တော် တံဆိပ်ခေါင်းများကို အသုံးပြုလာသောအခါ ငွေရှင်နှင့် မြေရှင်တို့
နှစ်ဦးနှစ်ဖက် လက်မှတ်ရေးထိုးကြသည့်ပြင် အသိသက်သေများပါ လက်မှတ်ရေးထိုးကြသည်။ စာမတတ်သော
တောင်သူများမှာ ကြက်ခြေခတ်ခြင်း၊ လက်ဗွေပုံစံနှိပ်ခြင်းများ ပြုလုပ်ကြရသည်။ မြေပေါင်စာချုပ်များမှာ
တောင်သူလယ်သမားများ အပေါ်တွင် ငွေရှင်များက အပေါ်စီးမှသာ ချုပ်ဆိုခဲ့ကြသည်။ တောင်သူလယ်သမားများသည်
မြေပေါင်လိုက်၊ အထပ်တောင်းလိုက်၊ အတိုးပေးလိုက်နှင့် နောက်ဆုံးတွင် ကောက်ဆွနှင့် ဆန်ကောသာကျန်သည့်ဘဝသို့
ရောက်ခဲ့ကြရတော့သည်။ မြေမလုပ်သောမြေရှင်ကြီးများ ဖြစ်ပေါ်လာရပေတော့သည်။
မျိုးပြန်တိုးချေးခြင်း
မျိုးပြန်တိုးချေးသည်ဆိုရာတွင် မြေကို အမာခံပစ္စည်းအဖြစ် အသိအမှတ်ပြုထားပြီး
သီးနှံမျိုးစေ့ကို ချေးပေးခြင်းပင် ဖြစ်သည်။ တနည်းအားဖြင့် ငွေကြေးမပါဘဲ သီးနှံကိုသာ
ချေးယူခြင်း၊ အတိုးပေးခြင်း၊ ပြန်ဆပ်ခြင်း ပြုလုပ်ကြရသည်။ ပြန်ဆပ်ရာတွင်လည်း တိုးရင်းနှစ်ခုလုံးကို
တိုက်ဝင်ကျီရောက်ပေးသွင်းပြီး ဆပ်ကြရသည်။ အတိုးနှုန်းကိုလည်း အရင်း (၁၀) တင်း ချေးယူလျှင်
(၁၅) တင်း၊ တင်း (၂၀) စသည်ဖြင့် ပြန်ဆပ်ကြရသည်။ ငွေရှင်များမှာ မဆပ်နိုင်လျှင်လည်း
စိတ်ရှည်စွာ စောင့်နိုင်သူ ဖြစ်သည်။ ကောက်ကြီးရာသီတွင် ချေးယူထားပါက ကောက်ကြီးတက်ချိန်တွင်
ပြန်လည် မပေးဆပ်နိုင်ပါက ကိုင်းရာသီတွင် ပြန်ဆပ်နိုင်ရန် စောင့်ဆိုင်းကြသည်။ သည်တနှစ်
မဆပ်နိုင်ပါကလည်း နောက်နှစ် ကောက်ကြီးရာသီ၊ ကိုင်းရာသီများအထိ စောင့်ကြသည်။ သို့သော်
အကြောင်းမဲ့ စောင့်ဆိုင်းထားကြခြင်း မဟုတ်ပေ။ ရာသီလိုက် တိုးရင်းမှတ်၍ထားကြသည်။ နောက်ဆုံးတွင်မှ
သီးနှံကို ကာလပေါက်ဈေးဖြင့် ငွေသင့်၍ မြေကို ကြွေးဖြင့် သိမ်းလိုက်ကြတော့သည်။
၁၈၅၉-ခုနှစ်က ကျွန်းလှမြို့နယ် မက်တောင်ကျေးရွာမှ ချေးယူသောစပါးတိုး
စာချုပ်တစောင်ကို ပုရပိုက်ပေါ်တွင် မှတ်သားထားသည်ကို တွေ့ရပေမည်။
*သက္ကရာဇ်
၁၂၂၁-ခု တပို့တွဲလပြည့်ကျော် ၇- ရက်နေ့ ငကြော်ခေါင်က စားသောက်ရန်မရှိ၍ ရွှေမှူးမင်းထံ
ချေးမနှင့်ဘာဆိုလာလျှင်လည်း၎င်း ငကြော်ခေါင်ဆိုချက်အတိုင်း ရွှေမှူးက ချေးပေးလိုက်သည်
စပါး ၁၅ နောင်နှစ် တလင်းတက်လျှင် ကျွံတော် ငကြော်ခေါင် အရင်း ၁၅ - အတိုး ထုံးစံရှိသည့်အတိုင်း
တိုက်ဝင်ကျီရောက် ပေးဆပ်ပါမည်၊ ၂ - ဦး သဘောတူ စာချုပ်ထားကြသည်။
ဤသို့ဖြင့်
တောင်သူလယ်သမားများသည် မြေကို ပေါင်၍ မြေကို လုပ်ခဲ့ကြရသည်။ မြေပေါင်ခြင်းသည် မြေယာလက်ငုတ်လက်လွတ်ခြင်း၏
အစသာဖြစ်သည်။ နောက်ဆုံးတွင် အပေါင်ဆုံးမြေအဖြစ်သော်လည်းကောင်း၊ ထွန်ထယ်ကိရိယာ၊ မြေ၊
ရှိပစ္စည်းနှင့် လူကို ကြွေးဝရမ်း ကပ်၍သော်လည်းကောင်း၊ တောင်သူလယ်သမားများ လက်ဝယ်ရှိ
မြေများမှာ ငွေရှင် မြေရှင်ကြီးများလက်သို့ စုံပြုံရောက်ရှိကြရတော့သည်။ ဧကရာဇ်များခေတ်က
အခွန်တော်ပဏ္ဏာ သခဲ့ကြရသလို တောင်သူလယ်သမားများသည် မြေရှင်များထံမှ သီးစားခံယူ၍ မြေကို
ဆက်လက် လုပ်ကြရပြန်သည်။ မြေရှင်က အကြောင်းအမျိုးမျိုးပြ၍ လွှဲပြောင်းချထားပြန်လျှင်
တောင်သူလယ်သမားများမှာ မြေယာလုပ်ပိုင်ခွင့်များ ဆုံးရှုံး၍ ဘဝဆိုးနှင့် ရင်ဆိုင်ကြရပြန်သည်။
သို့သော်လည်း မြေယာစံနစ်ဆိုး လက်တွင်းမှ မလွတ်ကင်းနိုင်အောင် သမိုင်းခေတ်များ ချီ၍ငုံ့ခံခဲ့ကြရပေသည်။
မြေယာကို အရောင်း၊ အပေါင်၊ အတိုး သုံးမျိုးလုံးဖြင့်
မြေလက်လွတ်ဆုံးပါး၍ တောင်သူလယ်သမားဘဝကို စွန့်ခွာသွားရသူများ၊ ကြွေးဝရမ်းကြောင့် ထောင်သွင်းအကျဉ်းချထားခံရသူများ၊
လူ့ဘဝ ရပ်တည်မှု ဆုံးရှုံးခဲ့ရသူများ၏ ရင်နင့်ဘွယ် ဖြစ်စဉ်သမိုင်းများသည် မြန်မာ့ဆိုရှယ်လစ်လမ်းစဉ်၏
တောင်သူလယ်သမား အခွင့်အရေးကာကွယ်သည့် ဥပဒေနှင့် သီးစားခဖျက်သိမ်းသည့် ဥပဒေများက ချုပ်ငြိမ်းစေခဲ့ပြီး
ဖြစ်ပေသည်။ ကိုယ့်အားကိုယ့်မာန်ဖြင့် ' မြေလုပ်သူ မြေပိုင်ခွင့်' ကြွေးကြော်သံဖြင့်
ယခုအခါ လူ့ဘောင်သစ်ဆီသို့ ချီတက်နေကြပြီ ဖြစ်ပေသည်။ သမိုင်း၏ဖြစ်စဉ်တရားသည် သဘာဝကျသော၊
တရားသော၊ မှန်ကန်သော ဖြစ်ပျက်ပြောင်းလဲမှုဖြင့် တောင်သူလယ်သမားများ၏ဘဝသည် မြန်မာ့လူ့ဘောင်၏သမိုင်းသစ်ကို
ရေးထိုးကြရပေဦးမည်သာတည်း ။ ။
မြဝတီမဂ္ဂဇင်း၊ မေလ ၁၉၇၀၊ စာ ၆၄၊ ၆၇ - ၇။
စုဆောင်သူ - ဦးအောင်သန်းထွန်း၏ ပုဂ္ဂလိက စုဆောင်မှု
ထိန်းသိမ်းသူ - ငမိုးရိပ် လူမှုသုတေသနအဖွဲ့ (NgaMoeYeik
Social Research Society)
